മഴയുടെ ശക്തി പിന്നെയും കൂടി .
അലറിയടിക്കുന്ന തിരമാലകളെ പോലെ
മഴത്തുള്ളികള് ആര്ത്തു ഉല്ലസിക്കുന്നു
എന്റെ നെഞ്ചിലേക്ക് നീ പകര്ത്തിയ സ്നേഹം പോലെ
അലറിയടിക്കുന്ന ഈ മഴത്തുള്ളികളില്
നിന്റെ സ്നേഹത്തിന്റെ തീവ്രത ഞാന് അറിയുന്നു
മഴയെ എനിക്ക് പേടിയാണെന്ന് ഞാന് അന്ന് നിന്നോട് പറഞ്ഞപ്പോള്
നീ തനിച്ചായി എന്ന തോന്നല് നിന്നില് വരുമ്പോള്
ഒരു പേമാരിയായ് നീ വരുമെന്നും
അപ്പോള് ഞാന് നിന്നെ ഓര്ക്കുമെന്നും പറഞ്ഞതിന്റെ പൊരുള്
ഇപ്പോള് ഞാന് അറിയുന്നു
ഇന്നീ മഴയത് ഞാന് തനിച്ചിരിക്കുമ്പോള്
അറിയാതെ ഓര്ത്തു പോകുന്നു അന്നാ
മഴയില് നിനക്കായ് ഞാന് തന്നൊരു സ്നേഹ ചുംബനം
മഴ പിന്നെയും ശക്തി കൂടി ..
അവളുടെ സ്നേഹത്തിന്റെ തീവ്രത അറിയിച്ചു കൊണ്ട് ..
പിന്നെയും തുള്ളിച്ചാടി മഴത്തുള്ളികള്
എന് ജനാലക്കരുകില് പെയ്തു വീണു
