സ്വപ്‌നങ്ങള്‍ മനുഷ്യന് മാത്രം സ്വന്തമാണോ?

 

മനസ്സില്‍ വിരിയുന്ന സ്വപ്‌നങ്ങള്‍
കണ്ണുകള്‍ ആലസ്യത്തിന്റെ വിരിമാറിലേക്ക് അടര്‍ന്നു വീഴുമ്പോള്‍
ഒരായിരം വര്‍ണ്ണ  പൂക്കള്‍ വിതറി
വിരുന്നുകാരനായ് എത്തുന്നു സ്വപ്‌നങ്ങള്‍
ചിലപ്പോള്‍ മധുരവും , ചിലപ്പോള്‍ കയ്പ്പും എകിടുന്നു
സ്വപ്നങ്ങള്‍ക്ക് നിറമുണ്ടോ
ലോകത്തില്‍ പാറി പറക്കാം സ്വപ്നത്തിലൂടെ 
കണ്ടിട്ടും കണ്ടിട്ടും മതി വരാതെ ഒരു കൂട്ടം സ്വപ്‌നങ്ങള്‍
ഇനി ഒരിക്കലും കാണരുതേ എന്ന് തോന്നി പോകുന്ന ചില സ്വപ്‌നങ്ങള്‍
ജീവിതത്തിനു അര്‍ത്ഥം നല്‍കുന്നു ചില സ്വപ്‌നങ്ങള്‍
ജീവിക്കാന്‍ പ്രേരിപ്പിക്കുന്നു ചില സ്വപ്നങ്ങള്‍
സ്വപ്നത്തില്‍ കണ്ടത് യാഥാര്‍ത്യമാകുമ്പോള്‍
അമ്പരക്കുന്നു ചിലര്‍
സ്വപ്‌നങ്ങള്‍ അത് മനുഷ്യന് മാത്രം സ്വന്തമാണോ?